"Ливерпуль" вингери Федерико Кьеза оптимал формада эмаслиги сабаб терма жамоага чақирилмади. Бунга Италия миллий жамоаси устози Женнаро Гаттузо хабар берди.
"Кьеза масаласи жуда оддий. Футболчиларим билан кўп мулоқот қиламан ва вазиятга ойдинлик киритмоқчиман. У ўзини 100 фоиз тайёр ҳис қилмаяпти ва бу танаффусда формасини тикламоқчи," - деди Гаттузо.
Жорий мавсумда Кьеза барча мусобақаларда 6 та учрашувда майдонга тушиб, 2 та гол урди ва 2 та ассистни ўз ҳисобига ёздириб қўйди.













