"Порту" ва "Милан" клубларининг собиқ устози Сержиу Консейсау Саудия Арабистони чемпионатида иш бошлайди. 50 ёшли португалиялик мутахассис "Ал-Иттиҳод" бошқарувига тайинланди.
Инсайдер Фабрицио Романонинг ижтимоий тармоқлар орқали маълум қилишича, томонлар 2027 йилнинг ўрталарига қадар меҳнат шартномасини тузган. Эслатиб ўтамиз, Консейсаунинг сўнгги иш жойи "Милан" бўлган. Мураббий 2024/2025 йилги мавсум якунида Италия клубини тарк этганди.
"Ал-Иттиҳод"нинг аввалги устози таниқли француз мутахассиси Лоран Блан эди. У ўтган йилнинг ёзидан буён Саудия жамоасига бошчилик қилиб келаётганди.
