Мадриднинг "Реал" клуби бош мураббийи Хаби Алонсо Арда Гюлер ва Жуд Беллингемга қандай қилиб таркибдан жой топиш ҳақида бош қотириши керак бўлади.

20 ёшли турк ўзини мавсум бошида, инглиз операциядан кейин тикланишда давом этаётганида ажойиб тарзда кўрсатди. Энди Беллингем сафга қайтди - иккаласини ҳам сифатни йўқотмаган ҳолда майдонга қандай жойлаштириш ҳозирча номаълум.

"Бу Алонсо учун қийин вазифа. Биламизки, Хаби прессингни, яъни ҳукмрон футболни яхши кўради. Устунлик қилиш учун қанотларда кенглик, чуқурлик ва мувозанат берадиган ўйинчилар керак. Агар сиз 4-4-2 схемасида ўйнасангиз, Беллингем ва Гюлер қанотларда жойлашса, унда кенгликни ким беради? Бу Винисиус ва Мбаппе олдинда бўлган вертикал футбол учун яхши вариант, аммо бу Хаби услуби эмас", - деди Diario AS таҳлилчиси Альваро Бенито.

"Реал" Ла Лига 8-туридан кейин турнир жадвалида пешқадамлик қилмоқда.