Мадриднинг "Реал" клуби ҳимоячиси Дин Хёйсен мушакларида чарчоқни ҳис қилмоқда, шу боис октябрь ойида Испания терма жамоасида ўйнай олмайди. Бу ҳақда журналист Фабрицио Романо хабар бермоқда.
Манбага кўра, яқин вақт ичида "Реал" шифокорлари Хёйсеннинг аҳволини баҳолайди. Таъкидланишича, ҳимоячида жиддий муаммолар йўқ, аммо у барибир 1-2 ҳафтани ўтказиб юборишига тўғри келади.
Жорий мавсумда 20 ёшли испаниялик барча мусобақаларда тўққизта учрашувда майдонга тушиб, битта самарали узатмани амалга оширди.
11 октябрь куни Испания терма жамоаси ЖЧ-2026 саралаши 3-тури доирасида Грузияни қабул қилади. 14-санада Луис де ла Фуэнте шогирдлари ўз майдонида Болгария билан куч синашади.
