Испаниялик мутахассис Хавьер Грасия Англиянинг "Уотфорд" клубини қабул қилиб олди. Бу ҳақда жамоа расмий сайти хабар бермоқда.
Аввалроқ, Грасия 2018-2019 йилларда ҳам ушбу клубни бошқарган ва Англия кубоги финалига олиб чиққан эди. Шунингдек, у Қозоннинг "Рубин", Испаниянинг "Валенсия," Англиянинг "Лидс" ва бошқа бир қатор жамоаларда ишлаган.
"Биз Хавьерни кутиб олганимиздан жуда хурсандмиз. Унинг иштиёқи ва аниқ стратегияси бизга барқарорлик ва бирдамликни қуришга ёрдам беради", - деди "Уотфорд" ижрочи директори Скотт Даксбери.
"Уотфорд" 9 ўйинда 12 очко билан Чемпионшип турнир жадвалида ўн биринчи ўринда бормоқда.
