Ispaniyalik mutaxassis Xavyer Grasiya Angliyaning "Uotford" klubini qabul qilib oldi. Bu haqda jamoa rasmiy sayti xabar bermoqda.
Avvalroq, Grasiya 2018-2019 yillarda ham ushbu klubni boshqargan va Angliya kubogi finaliga olib chiqqan edi. Shuningdek, u Qozonning "Rubin", Ispaniyaning "Valensiya," Angliyaning "Lids" va boshqa bir qator jamoalarda ishlagan.
"Biz Xavyerni kutib olganimizdan juda xursandmiz. Uning ishtiyoqi va aniq strategiyasi bizga barqarorlik va birdamlikni qurishga yordam beradi", - dedi "Uotford" ijrochi direktori Skott Daksberi.
"Uotford" 9 o‘yinda 12 ochko bilan Chempionship turnir jadvalida o‘n birinchi o‘rinda bormoqda.













