"Барселона" вингери Ламин Ямал тарихдаги энг қиммат футболчига айланиши мумкин. Defensa Central хабарига кўра, "ПСЖ" 18 ёшли вингер учун 230 миллион евро тўлашга тайёр. Агар шундай трансфер амалга ошса, янги жаҳон рекорди ўрнатилади. Ҳозирча энг қиммати Неймарнинг "Барселона"дан "ПСЖ"га 222 миллион евро эвазига трансфери бўлиб турибди.
Манбага ишонадиган бўлсак, "ПСЖ" президенти Носир ал-Хелаифий Ямални клубга олиб келмоқчи. Аввалроқ, "Барселона" раҳбари Жоан Лапорта парижликлар Ламинга қизиқиш билдираётганини айтган эди.
Айтиш керакки, ёзда Ламин Ямал "Барселона" билан шартномасини 2031 йилнинг ярмигача узайтирди. Ҳозирда Ямалнинг жамоасини ўзгартириш режаси йўқ.
