"Barselona" vingeri Lamin Yamal tarixdagi eng qimmat futbolchiga aylanishi mumkin. Defensa Central xabariga ko‘ra, "PSJ" 18 yoshli vinger uchun 230 million yevro to‘lashga tayyor. Agar shunday transfer amalga oshsa, yangi jahon rekordi o‘rnatiladi. Hozircha eng qimmati Neymarning "Barselona"dan "PSJ"ga 222 million yevro evaziga transferi bo‘lib turibdi.
Manbaga ishonadigan bo‘lsak, "PSJ" prezidenti Nosir al-Xelaifiy Yamalni klubga olib kelmoqchi. Avvalroq, "Barselona" rahbari Joan Laporta parijliklar Laminga qiziqish bildirayotganini aytgan edi.
Aytish kerakki, yozda Lamin Yamal "Barselona" bilan shartnomasini 2031 yilning yarmigacha uzaytirdi. Hozirda Yamalning jamoasini o‘zgartirish rejasi yo‘q.













