УЕФА президенти Александер Чеферин Криштиану Роналдуни футбол тарихидаги энг кучли уч нафар футболчи қаторига киритди.

— Криштиану Роналдунинг футбол учун аҳамияти қай даражада?

— Аввало шуни айтиш керакки, мен уни Португалиянинг дунё миқёсидаги энг буюк тарғиботчиси деб ҳисоблайман. Мен ҳеч қачон у каби рақобатга чанқоқ инсонни кўрмаганман. У тўхташни истамайди, у давом этмоқчи.

Унинг ютуқлари ҳақиқатдан ҳам ҳайратланарли — уларни барчасини санаш учун икки соат керак бўлади. Мен унга инсон сифатида ҳам, футболчи сифатида ҳам катта ҳурмат билан қарайман. Шунингдек, у хайрия ишлари билан ҳам шуғулланади — буни қилишга мажбур бўлмаса-да.

Криштиану Роналду — футбол тарихидаги учта энг буюк номдан бири, — деди УЕФА президенти Александер Чеферин.