Бир неча ҳафтадан сўнг "эл класико" бўлиб ўтади. "Реал" "Барселона"ни қабул қилади. Каталония жамоаси ҳимоячиси Пау Кубарси ўзига қарши ўйнаши мумкин бўлган Килиан Мбаппе ва Жуд Беллингем ҳақида гапирди.
"Улар иккиси ҳам қийин рақиблар. Мбаппе жуда ҳаракатчан, бўш зоналарга яхши ҳужум қилади ва жуда тезкор. Беллингемни олдиндан айтиш қийин, чунки у ортдан, иккинчи чизиқдан ҳаракат қилади. Мбаппе тезлиги ва вазиятни тўғридан-тўғри аниқлай олиши туфайли исталган вақтда гол уриши мумкин", - деди Кубарси АS нашрига.
Испания Ла Лигасининг "Реал" - "Барселона" учрашуви 26 октябрь, якшанба куни бўлиб ўтади.
