Бельгиянинг "Юнион" клуби бош мураббийи Себастен Поконьоли "Монако"нинг навбатдаги устози бўлади. Бу ҳақда журналист Саша Тавольери хабар бермоқда.
Манбага ишонадиган бўлсак, 38 ёшли мутахассис аллақачон жамоасига монаколиклар қароргоҳига жўнаб кетишини маълум қилган. Айтиш керакки, Поконьоли пойгада бош мураббийликка номзод сифатида кўрилаётган Эдин Терзич ва Тиаго Моттани ортда қолдирди.
Поконьоли 2024 йилнинг июлидан буён "Унион"ни бошқариб келмоқда. Унинг қўл остида жамоа 69 та ўйин ўтказиб, 39 та ғалаба, 15 та дуранг ва 15 та мағлубият қайд этган.
Поконьоли "Монако" устози сифатида кетма-кет иккинчи мавсумдан буён барқарор ўйин кўрсатмаётган Ади Хюттернинг ўрнини эгаллайди.
