"Барселона"да президенти Жоан Лапорта клубнинг ҳозирги молиявий ҳолати ҳақида фикр билдирди.
"Молиявий кўрсаткичлардан жуда мамнунмиз. Агар биз нимадан бошлаганимизни ва ҳозир қаерда эканлигимизни кўриб чиқсак - жуда яхши иш қилинди. Кетма-кет икки йилдан бери бизда ижобий мувозанат мавжуд бўлиб, бу барқарорликка эришиш имконини бермоқда. Ҳомийлик шартномалари бўйича ҳам рекорд ўрнатдик. Шу билан бирга, бизда яна мухлисларга қувонч улашувчи рақобатбардош жамоа бор", - деди Лапорта.
Ўтган дам олиш кунлари "Барселона" мухлисларни хурсанд қила олмади. Жамоа "Севилья"га қарши ўйинда 1:4 ҳисобида мағлуб бўлди.
