Португалия терма жамоаси сардори ва ҳужумчиси Криштиану Роналду ЖЧ–2026 саралаш босқичидаги навбатдаги учрашувлар олдидан ижтимоий тармоқда пост ёзди.
Роберто Мартинес шогирдлари 11 октябрь куни Ирландия, 14 октябрь куни эса Венгрияга қарши баҳс олиб боради.
«Биз ўз миссиямизга тўлиқ эътибор қаратганмиз», — деб ёзди Роналду X (собиқ Twitter) ижтимоий тармоғида.
Роналду ЖЧ–2026 саралашининг илк икки учрашувида 3 та гол урган.
Иккита турдан сўнг Португалия терма жамоаси 6 очко билан F гуруҳи етакчиси, Ирландия эса 1 очко билан тўртинчи ўринда жойлашган.













