Нидерландия терма жамоаси ҳужумчиси Коди Гакпо ЖЧ–2026 саралаш босқичининг 7-турида Мальтага қарши ўйинда дубль қайд этиб, Роб Ренсенбринкнинг 1978 йилдаги натижасини такрорлади. Беллашув Мальтадаги «Та-Кали» стадионида бўлиб ўтди ва Нидерландия 4:0 ҳисобида ғалаба қозонди.

Гакпо ҳар икки голини пенальтидан урди. Opta маълумотига кўра, «Ливерпуль» ҳужумчиси Нидерландия термаси тарихида 1978 йилдан бери бир ўйинда икки марта пенальтидан гол урган илк футболчи бўлди. Илгари бу натижага Роб Ренсенбринк Эронга қарши ўйинда (3:0) ЖЧ–1978 мусобақасида эришган эди.

G гуруҳида Нидерландия бешта учрашувдан кейин 13 очко билан пешқадамлик қилмоқда. Мальта эса олти ўйинда икки очко тўплаб, охирги ўринда қолмоқда.

Жаҳон чемпионати–2026. Европа. G гуруҳи. 7-тур
Мальта — Нидерландия 0:4
Голлар: 0:1 — Гакпо (12' пенальти), 0:2 — Гакпо (49' пенальти), 0:3 — Рейндерс (57'), 0:4 — Депай (90+3')