Миланнинг "Интер" клуби чап қанот ҳимоячиси Федерико Димарко жамоа билан янги шартнома имзолаши мумкин.
Томонлар ўртасида муҳокамалар аллақачон олиб борилмоқда. FcInterNews хабарига кўра, агар ҳаммаси кўнгилдагидек кетса, 27 ёшли футболчи "нерадзуррилар" билан шартномани 2029 йилгача ёки 2030 йилгача узайтиради.
Қайд этилишича, Федерико Димарконинг ўзи фаолиятининг қолган қисмини "Интер"да ўтказишга қатъий қарор қилган. Сўнгги ойларда италиялик футболчи Англия Премьер-лигаси вакилларининг бир нечта таклифларини рад этишга улгурди.
Латералнинг Милан гранди билан амалдаги келишуви 2027 йилнинг ёзига қадар мўлжалланган.













