Франция терма жамоаси ва "Милан" дарвозабони Майк Меньян келаси йилнинг ёзида клубини ўзгартириши мумкин. Бу ҳақда Gazzetta dello Sport нашри журналистлари хабар бермоқда.
Манбага кўра, франциялик футболчи эркин агент мақомида кетиши мумкин, чунки унинг амалдаги шартномаси жорий мавсум якунида ўз ниҳоясига этади. Меньянни А Сериянинг яна бир вакили - Туриннинг "Ювентус" клуби бепул қўлга киритмоқчи.
Жорий мавсумда дарвозабон Италия чемпионатида бешта бахс ўтказди. Меньян учта гол ўтказиб юборди ва учта ўйинда ўз дарвозаси дахлсизлигини сақлаб қолди.
