"Ювентус"нинг америкалик ярим ҳимоячиси Уэстон Маккенни ўз ватанига қайтиши мумкин. Бу ҳақда инсайдер Никола Скира ижтимоий тармоқдаги саҳифасида маълум қилди.
Манбага кўра, "Ювентус" билан шартномаси 2026 йилнинг июнида якунига етадиган 27 ёшли хавбекка аллақачон МЛСнинг номи ошкор этилмаган икки клуби қизиқиш билдирган.
Таъкидланишича, ўтган ёзда Маккенни Туринда қолиш учун Туркияга кетишдан бош тортган. Аммо айни дамда футболчи билан шартномани узайтириш борасида ҳеч қандай келишувга эришилмаган.
Жорий мавсумда Маккенни барча мусобақаларда 7та ўйинда майдонга тушди ва бирорта ҳам гол уролмади. Transfermarkt экспертлари америкаликнинг нархини 22 миллион еврога баҳоламоқда.
