Австриялик мутахассис Ади Хюттер "Монако" бош мураббийлигидан истеъфога чиқарилди. Тегишли маълумотлар монегаскларнинг расмий сайтида пайдо бўлди.
"Клуб Ади ва унинг ходимларига амалга оширилган ишлар учун миннатдорчилик билдиради ва уларга келажакда энг яхши тилакларни тилайди," - дейилади "Монако" баёнотида.
Миш-мишларга кўра, тез орада француз клубини Бельгиянинг "Юнион" клубига устозлик қилаётган Себастен Поконьоли бошқариши мумкин.
Хюттер 2023 йилдан буён "Монако"да ишлаб келаётганди. Унинг қўл остида "Монако" Лига 1нинг кумуш ва бронза медали совриндорига айланди. Айни вақтда монаколиклар Франция чемпионати турнир жадвалида 13 очко билан бешинчи ўринда бормоқда.
