Агент Федерико Пасторелло Симоне Индзаги нима учун "Ал-Ҳилол"ни бошқаришга қарор қилгани ҳақида гапирди.
Италиялик мураббий июнь ойида Саудия Арабистони клубида иш бошлаган ва бундан олдин Миланнинг "Интер" клубини тарк этганди.
"Албатта, молиявий жиҳат ўз таъсирини кўрсатди, аммо Симоне ҳам ўзини чет элда синаб кўрмоқчи эди. Саудия Арабистони лигаси дунёдаги энг кучли лигалардан бири бўлиб, гап нафақат молиявий қудратда, балки футболнинг сифатида ҳам. "Ал-Ҳилол" - Осиёнинг энг машҳур ва муваффақиятли клуби," - деди Пасторелло TuttoMercatoWeb нашрига берган интервьюсида.
