Каталониянинг "Барселона" жамоаси собиқ ўйинчиси Максвелл "ПСЖ"нинг португалиялик ҳимоячиси Нуну Мендешнинг ўйинини баҳолади.
"Бу йигитнинг тезлиги ҳайратланарли. Тўпни бошқараётганда, Мендеш каби юқори тезликни сақлаб қолиш жуда мушкул. У ажойиб футболчи. Нунуни енгиш осон эмас, чунки у ҳужумчиларга кўп бўш жой бермайди. Ҳимояда у жуда ишончли ҳаракат қилади," - дея бразилиялик футболчининг сўзларини келтиради Ligue 1+.
23 ёшли португалиялик латерал ҳимоячи 2022 йилнинг ёзидан бери Париж жамоаси сафида тўп тепмоқда. Томонлар ўртасидаги меҳнат шартномаси 2029 йил июнь ойи охирида тугайди. Мендешнинг трансфер қиймати 75 миллион еврога баҳоланмоқда.
