"ПСЖ"нинг бразилиялик ҳимоячиси Маркиньос январь ойидаги трансфер ойнасида клубини ўзгартириши мумкин. Бу ҳақда L'Equipe хабар бермоқда.
Манбага кўра, тажрибали футболчида Саудия Арабистони чемпионатига кўчиб ўтиш варианти бор. Париж гранди босслари келаётган қишда футболчининг трансфери бўйича таклифларни кўриб чиқишга тайёр. "ПСЖ"дагиларнинг фикрича, украиналик ҳимоячи Илья Забарний Маркиньоснинг ўрнини босишга қодир.
31 ёшли бразилиялик футболчи 2013 йилнинг ёзидан буён француз жамоасида тўп тепиб келмоқда. Томонлар ўртасидаги амалдаги шартнома муддати 2028 йил июнь ойи охирида тугайди. Унинг бозор нархи 35 миллион еврони ташкил этади.
