Испания миллий терма жамоаси ҳужумчиси Микель Оярсабаль 2026 йилги Жаҳон чемпионати саралаш турнирида Грузияга қарши қозонилган ғалаба (2:0) ҳақида фикр билдирди.
"Гол уриш ажойиб бўлди, айниқса у бизга ғалабани деярли кафолатлаётганини билган ҳолда. Грузия бор кучи билан ҳимояланишини ва бу вазифамизни қийинлаштиришини тушунардик. Биз ўйинни бошидан охиригача назорат қилсак-да, имкониятларимиздан етарлича самарали фойдалана олмадик. Бир нечта ўйинчининг йўқлиги? Бизнинг кучимиз жамоавийликда," - дея Оярсабалнинг сўзларини УЕФА матбуот хизмати келтирди.
