Мадриднинг "Реал" клуби ярим ҳимоячиси Эдуардо Камавингага "Ливерпуль" қизиқиш билдирмоқда.
"Қизиллар" франциялик футболчини келаси йилнинг ёзида ўз сафига қўшиб олиш ҳақида ўйламоқда. TBR Football хабарига кўра, инглиз гранди "қаймоқранглилар"нинг 22 ёшли хавбекидан ташқари Адам Уортон ("Кристал Пэлас") ва Карлос Балеба ("Брайтон") ҳам жамоа шорт-листига киритган.
Эдуарду Камавинганинг нуфузли Transfermarkt порталидаги нархи - 50 млн евро. Футболчининг "Реал" билан амалдаги меҳнат шартномаси 2029 йилнинг ёзигача мўлжалланган.
Камавинга жорий мавсум Хаби Алонсо жамоаси сафида 5 та ўйинда майдонга тушди ва 1 та гол урди.
