Жорди Альба "Интер Майами" мухлислари билан хайрлашди. Яқинда испаниялик чап қанот ҳимоячиси фаолиятини якунлашини эълон қилганди.
36 ёшли фахрий ўз уйида "Атланта Юнайтед"га қарши кечган хайрлашув учрашувида ёрқин ўйин кўрсатди: 52-дақиқада Лионель Мессининг узатмасидан кейин гол урган бўлса, 87-дақиқада аргентиналик футболчига ассистентлик қилди. Баҳсда "қўтонлар" йирик 4:0 ҳисобида зафар қучди.
Альба 2023 йилнинг ёзидан бери "Интер Майами" шарафини ҳимоя қилмоқда. АҚШга кўчиб ўтишдан олдин у 11 йил давомида "Барселона" шарафини ҳимоя қилган. МЛСнинг жорий мавсумида испаниялик 29 та ўйинда 6 та гол урди ва 10 та самарали пас берди.
