"Бавария" ҳужумкор ярим ҳимоячиси Жамал Мусиала жароҳатидан тикланишда давом этмоқда.
22 ёшли футболчи июль ойида клублар ўртасидаги жаҳон чемпионатида "ПСЖ"га қарши ўйинда дарвозабон Жанлуижи Доннарумма билан тўқнашувда кичик болдир суягини синдириб олганди. Bild хабарига кўра, Мусиала индивидуал дастур бўйича югуриш машғулотларини бошлаган. Мюнхенликлар футболчи декабрь ойида, мавсумнинг биринчи ярми якунланиши арафасида сафга қайтиши мумкинлигига умид қилмоқда.
Айни дамда "Бавария" 6 турдан сўнг 18 очко билан Бундеслига турнир жадвалида пешқадамлик қилмоқда. 18 октябрь куни бўлиб ўтадиган навбатдаги ўйинда Венсан Компани жамоаси ўз майдонида "Боруссия" Дортмундни қабул қилади.
