Норвегия миллий терма жамоаси ҳужумчиси Эрлинг Холанд 2026 йилги жаҳон чемпионати саралаш босқичида Исроил терма жамоасига қарши ўйинда қозонилган ғалаба ҳақида ўз фикрини билдирди.
Норвегияликлар навбатдаги ғалабани қўлга киритиб, Исроилни 5:0 ҳисобида мағлуб этишди.
"Бу ҳақиқатан ҳам ажойиб, ҳар сафар шундай. Биз жаҳон чемпионатига тобора яқинлашиб бормоқдамиз. Бизда сифатли жамоа бор. Биз яна бир бор ажойиб натижа кўрсатдик. Энди кейинги ўйинда ғалаба қозонишга ҳаракат қилишимиз керак", - деди ҳужумчи TV2 телеканалига берган интервьюсида.
Холанднинг ўзи Исроилга қарши ўйинда ҳет-трик қайд этди. Шунингдек, у ўйиннинг олтинчи дақиқасида пенальтини амалга ошира олмади.
