"Интер Майами" ҳужумчиси Лионель Месси яна бир МЛС рекордини ўрнатди. Аргентиналик футболчи "Атланта Юнайтед"га қарши ўйинда (4:0) дубль қайд этди.
Inter Miami News Hub хабарига кўра, 38 ёшли форвард МЛСнинг бир мавсумида тўққизта баҳсда биттадан кўп гол урган биринчи футболчига айланди. Бунгача рекорд Златан Ибраҳимович, Мамад Диалло ва Стерн Жонга тегишли эди - икки ёки ундан ортиқ гол билан саккизта ўйин.
Лионель Месси 26 та гол билан чемпионат тўпурарлари рўйхатини бошқариб турибди. "Қўтонлар" 33-турдан кейин Шарқий конференция турнир жадвалида учинчи ўринда бормоқда ва пешқадам "Филаделфия Юнион"дан 4 очко ортда қолмоқда.













