Италия терма жамоасининг собиқ бош мураббийи Лучано Спаллетти терма жамоанинг 2026 йилги жаҳон чемпионатига йўлланма олиш имкониятларини баҳолади, шунингдек, терма жамоанинг ҳозирги устози Женнаро Гаттузонинг фаолияти ҳақида гапирди.

"Италия жаҳон чемпионатига боради. Шундай бўлишига ишончимиз комил. Футболчилар кучли ва Женнаро Гаттузо дарҳол икки ҳужумчидан фойдаланиб, асосий таркибда тўғри мувозанатни топди," - деди италиялик мутахассис.

Айни пайтда италияликлар ЖЧ-2026 саралаш гуруҳида Норвегиядан кейин 12 очко билан иккинчи ўринда бормоқда.14 октябрь куни Италия Исроил терма жамоасига қарши майдонга тушади.