«Реал» ҳужумчиси Килиан Мбаппе «ПСЖ» таркибида Лионел Месси билан бирга ўйнаган даври ҳақидаги хотиралари билан бўлишди. Ҳозир Месси АҚШнинг «Интер Майами» клуби шарафини ҳимоя қилмоқда.

«Тарихга кирган футболчилар ҳақида гап кетганда, албатта, Месси ёдга тушади. У кийиниш хонасида оддий инсон эди. Машҳур бўлганингизда кўпчилик сиз ҳақингизда турли гап-сўзлар тарқатади, уларга ишонсангиз, ўзингиз ҳам шунга ишона бошлайсиз. Аммо у бундай эмасди — у ҳақиқатан ҳам оддий инсон бўлиб, ҳаммани ҳурмат қиларди. Футболчи сифатида эса у беқиёс эди. Агар жамоангизда шундай инсон бўлса, у билан бирга бўлишингиз, унинг қилган ҳар бир ишини кузатишингиз керак. У менга ўйинни яхшироқ тушунишга жуда катта ёрдам берди.

Менга Лео Месси билан бирга ўйнаш бахти насиб қилди. Фаолиятим давомида у билан бир жамоада бўлишим мумкин деб ҳеч ўйламаганман. Мен уни бутун умри давомида “Барселона”да қолади деб ўйлардим, чунки менинг орзуйим “Реал”да ўйнаш эди. “Барселона”га ўтиш ҳақида ҳеч қачон ўйламаганман. Мен унга фақат миннатдорлик билдиришим мумкин. Бу мен учун ажойиб имконият бўлган», — деди Мбаппе "Movistar"га берган интервьюсида.