«Ливерпуль» клубининг собиқ бош мураббийи Юрген Клопп Германия терма жамоасининг 2026 йилги жаҳон чемпионати саралаш босқичи учрашувларидаги ўйини ҳамда миллий жамоа бош мураббийи Юлиан Нагельсманнинг ишини шарҳлади.
— Мен биламан, Германия терма жамоасида ҳаммаси яхши бўлади! Юлиан — ажойиб мураббий, бизда эса ажойиб футболчилар бор, — деди Клопп N-TV нашрига берган интервьюсида.
Эслатиб ўтамиз, Германия терма жамоаси бугун, 13 октябрь куни, жаҳон чемпионати саралаш босқичининг тўртинчи турида Шимолий Ирландия терма жамоасига қарши баҳс олиб боради. Белфаст шаҳрида бўладиган ўйин Тошкент вақти билан соат 23:45 да бошланади.













