Ўтмишда Италия терма жамоаси шарафини ҳимоя қилган 35 ёшли Марио Балотелли Миланнинг "Интер" клуби форварди Франческо Пио Эспозито ҳақида фикр билдирди.
"Нерадзуррилар"нинг умидли тарбияланувчиси сентябрь ойида Италия терма жамоаси сафида дебют қилган бўлса, яқинда "скуадра адзурра" сафида Эстония дарвозасини ишғол этиб, илк голини урди.
"Пио Эспозито - яхши ўйинчи, ҳозирнинг ўзидаёқ у кўпчиликдан устун. Унга ўхшаган ёш йигитларга имконият бериш керак, деб ҳисоблайман. Ўйлайманки, уни ёрқин келажак кутмоқда. У шунчаки дарвозани кўради ва гол уради - менга бундай ўйинчилар ёқади," - деди Балотелли.
Франческо Пио Эспосито атиги 20 ёшда. "Интер"нинг асосий жамоаси учун саккизта ўйинда у бир марта гол урди.
