O‘tmishda Italiya terma jamoasi sharafini himoya qilgan 35 yoshli Mario Balotelli Milanning "Inter" klubi forvardi Franchesko Pio Espozito haqida fikr bildirdi.
"Neradzurrilar"ning umidli tarbiyalanuvchisi sentyabr oyida Italiya terma jamoasi safida debyut qilgan bo‘lsa, yaqinda "skuadra adzurra" safida Estoniya darvozasini ishg‘ol etib, ilk golini urdi.
"Pio Espozito - yaxshi o‘yinchi, hozirning o‘zidayoq u ko‘pchilikdan ustun. Unga o‘xshagan yosh yigitlarga imkoniyat berish kerak, deb hisoblayman. O‘ylaymanki, uni yorqin kelajak kutmoqda. U shunchaki darvozani ko‘radi va gol uradi - menga bunday o‘yinchilar yoqadi," - dedi Balotelli.
Franchesko Pio Esposito atigi 20 yoshda. "Inter"ning asosiy jamoasi uchun sakkizta o‘yinda u bir marta gol urdi.
