"Ливерпуль" ҳужумчиси Муҳаммад Салоҳга Европанинг бошқа бир клуби қизиқиш билдирмоқда.
"Қизиллар"нинг 33 ёшли юлдузига "Галатасарой" даъвогарлик қилмоқда. Transfer News Live нашрининг Nefes’га таяниб хабар беришича, турк клуби яқин келажакда "Ливерпуль"ни тарк этишга тайёрлигини билдирган мисрлик футболчини ўз томонига оғдириб олишга уриниб кўради. Музокаралар январь ойида бўлиб ўтиши эҳтимолдан холи эмас.
"Transfermarkt" порталида Муҳаммад Салоҳнинг тахминий нархи 50 млн евро бўлиб, форварднинг инглиз гранди билан амалдаги шартномаси 2027 йилнинг ёзигача мўлжалланган. Жорий мавсумда футболчи Арне Слот жамоаси сафида ўнта баҳсда учта гол ва учта голли узатмани амалга оширди.













