Мадриднинг "Реал" клуби ва Португалия терма жамоаси собиқ футболчиси Пепе "қаймоқранглилар" бош мураббийи Хаби Алонсо ҳақида гапирди.
"Мен Хаби Алонсо билан ўйнаганман ва уни яхши биламан. У учун "Реал"га мураббийлик қилиш - жиддий чақириқ, чунки клубнинг талаблари жуда катта. Умид қиламанки, у ҳаммасини уддалайди," - дея Пепенинг сўзларини келтиради Marca.
Португалияликнинг сўзларига кўра, испаниялик мутахассис футболчилик фаолияти давомида мураббийлик ишига қизиққан. Алонсо бу борада Жозе Моуриньо билан мулоқот қилган.
Хаби Алонсо ёзда "Реал"ни қабул қилиб олди. 43 ёшли мураббий қўл остида мадридликлар Ла Лиганинг 8 турида 21 очко жамғариб, мусобақа жадвалида 1-ўринни эгаллаб турибди.













