Мюнхеннинг "Бавария" клуби қанот ҳимоячиси Альфонсо Дэвис тиззасининг хочсимон пайлари шикастланганидан кейин тикланиш жараёни ҳақида гапирди.
"Мен югуриш машқларини бажараман ва машғулотлар ўтказаман. Ҳозир ўнг оёғимда мушак йиғиш билан шуғулланяпман. Жароҳат - бу футболнинг бир қисми. Ҳеч қачон ўзингизга ачинмаслик ва шикоят қилмаслик керак. Мен қайтишим устида ишлаяпман. Умид қиламанки, келажакда бундай бўлмайди," - дея канадалик ҳимоячининг сўзларини келтиради немис гранди матбуот хизмати.
24 ёшли ҳимоячининг Мюнхен гранди билан меҳнат шартномаси муддати 2030 йил июнь ойи охирида тугайди. Transfermarkt портали Дэвиснинг бозор нархини 50 миллион еврога баҳоламоқда.
