Озарбайжоннинг "Қорабоғ" клуби дарвозабони Шаҳрудин Магомедалиев Мадриднинг "Реал" клуби форварди Килиан Мбаппе ва "қироллик клуби"нинг собиқ ҳужумчиси Криштиану Роналдуни таққослади.
"Мбаппе жуда кучли. Фарқи шундаки, португалияликлар билан тўқнаш келганимизда Криштиану аллақачон тўпурар бўлиб улгурганди. Мбаппе эса ҳозир ўзининг энг яхши версиясида," - дея дарвозабоннинг сўзларини келтиради "Чемпионат."
Испания Ла Лигасининг жорий мавсумида Мбаппе 8 та ўйин ўтказиб, 9 та гол урди ва 2 та голли узатмани амалга оширди. Криштиану Саудия Арабистони чемпионатида тўртта учрашувда майдонга тушиб, тўртта гол урди ва голли узатмани амалга оширди.
