"Манчестер Сити" ва Норвегия терма жамоаси марказий ҳужумчиси Эрлинг Холанд скандинавияликларнинг Янги Зеландия терма жамоасига қарши ўртоқлик учрашувида иштирок этмайди.
Юлдуз тўпурарга ўйинлар жадвали тиғиз бўлгани учун терма жамоа қароргоҳини муддатидан олдин тарк этишга рухсат берилди. Эслатиб ўтамиз, яқинда бўлиб ўтган ЖЧ-2026 саралашида Холанд Исроил терма жамоасига қарши баҳсда хет-трик қайд этганди. Унда скандинавлар меҳмонлар устидан йирик 5:0 ҳисобидаги ғалабани тантана қилишди.
Норвегия ва Янги Зеландия терма жамоалари ўртасидаги назорат учрашуви эртага, 14 октябрь куни Ослодаги стадионда бўлиб ўтади.
