Дани Ольмо жароҳат туфайли тахминан икки-уч ҳафта майдонга туша олмайди.
"Барселона" ярим ҳимоячиси аввалроқ Испания терма жамоаси машғулотларида болдир мушакларида ноқулайлик сезган эди.
Бугун хавбек Каталония клуби қароргоҳида тиббий кўрикдан ўтди. Футболчининг чап оёғи болдири жароҳати аниқланди.
Дани Ольмо тахминан икки-уч ҳафта майдонга туша олмайди, деб хабар бермоқда журналист Елена Кондис. У Ла Лигада "Жирона" ва Чемпионлар Лигасида "Олимпиакос"га қарши ўйнамаслиги аниқ.
Футболчи 26 октябрь куни "Реал"га қарши ўйинда иштирок этиши мумкин.













