"Барселона" ярим ҳимоячи Дани Ольмонинг жароҳати бўйича баёнот берди. Футболчи тиббий кўрикдан ўтди.
"Дани Ольмода чап болдир мушаклари шикастланган, бириктирувчи тўқималарга зарар етмаган. Унинг сафга қайтиш муддати тикланиш тезлигига боғлиқ бўлади", - дейилади баёнотда.
Аввалроқ матбуотда 27 ёшли Ольмонинг тикланиши учун тахминан икки-уч ҳафта кераклиги ҳақида хабар берилганди. Бу ярим ҳимоячининг "класико"да иштирок этишини деярли истисно қилади. "Реал" ва "Барселона" 26 октябрь куни тўқнаш келади.
Бу мавсумда Дани Ольмо "Барселона"нинг 10 та ўйинида майдонга тушди. Хавбек ҳисобида битта гол ва иккита голли узатма бор.
