Бир неча дақиқадан сўнг Ўзбекистон миллий жамоаси Уругвайга қарши назорат ўйинини ўтказади. Ушбу баҳс учун жамоалар таркиби эълон қилинди.
Вакилларимиз сафида ярим ҳимоячи Азиз Ғаниев асосий таркибга киритилган. Бундан аввал 27 ёшли футболчимиз сўнгги бор "оқ бўрилар" сафида 2023 йилнинг 13 октябрь куни Вьетнамга қарши назорат ўйинида (2:0) асосий таркибга киритилган эди. Ўшанда жамоамизни Сречко Катанец бошқараётган эди. Роппа-роса 2 йиллик танаффусдан сўнг Ғаниев яна асосий таркибда.
Футболчи терма сафида умумий 18 та ўйин ўтказган. Ҳозирча унинг ҳисобида гол ёки ассист йўқ.













