Германия терма жамоаси бош мураббийи Юлиан Нагельсманн ЖЧ-2026 саралаши доирасида сафарда Шимолий Ирландия устидан қозонилган ғалабага (1:0) муносабат билдирди.
"Бу бизнинг энг яхши ўйинимиз эмаслиги аниқ. Стадионда ақл бовар қилмайдиган муҳит ҳукм сурарди. Тўпга эгалик қилиш учун кураш кўп бўлди, ҳатто ҳакам ҳам барча майда деталларни пайқаши қийин бўлди. Охир-оқибат, ўйин натижасини стандарт вазиятлар ҳал қилди. Биз стандартларни бажаришни кўп машқ қиламиз, чунки бу муҳим. Умуман олганда, тўп доимо ҳавода бўлганда яхши ўйнаш қийин. Курашишга тўғри келади. Бу "нохуш" ғалаба бўлди, аммо энг муҳими - уч очко," - деди Нагелсманн матбуот анжуманида.
