Germaniya terma jamoasi bosh murabbiyi Yulian Nagelsmann JCH-2026 saralashi doirasida safarda Shimoliy Irlandiya ustidan qozonilgan g‘alabaga (1:0) munosabat bildirdi.
"Bu bizning eng yaxshi o‘yinimiz emasligi aniq. Stadionda aql bovar qilmaydigan muhit hukm surardi. To‘pga egalik qilish uchun kurash ko‘p bo‘ldi, hatto hakam ham barcha mayda detallarni payqashi qiyin bo‘ldi. Oxir-oqibat, o‘yin natijasini standart vaziyatlar hal qildi. Biz standartlarni bajarishni ko‘p mashq qilamiz, chunki bu muhim. Umuman olganda, to‘p doimo havoda bo‘lganda yaxshi o‘ynash qiyin. Kurashishga to‘g‘ri keladi. Bu "noxush" g‘alaba bo‘ldi, ammo eng muhimi - uch ochko," - dedi Nagelsmann matbuot anjumanida.
