"Барселона"нинг 37 ёшли форварди Роберт Левандовскининг агенти Пини Захави мижозининг Каталония клубидаги келажаги ҳақида гапирди. Аввалроқ ОАВда "блауграна" польшалик футболчи билан 2026 йилнинг ёзида тугайдиган шартномани узайтирмаслиги ҳақида хабарлар тарқалган эди.
"Левандовскининг "Барселона" билан шартномаси 2026 йилнинг ёзида якунига етади ва ҳозирча ҳеч қандай қарор қабул қилинмаган. Биз кутишимиз ва яқин кунларда нима бўлишини кўришимиз керак.
Саудия клубларидан таклифлар? Йўқ, Саудия Арабистони жамоалари билан ҳеч қандай расмий музокаралар бўлмади. Ҳозирча таклифлар йўқ," - дея Захавининг сўзларини келтиради Sport.es 365Scores’га таяниб.
Левандовски 2022 йилнинг июлидан бери "Барселона"да ўйнамоқда. Жорий мавсумда ҳужумчи барча мусобақаларда тўққизта ўйинда майдонга тушиб, тўртта гол урди.
