Марко ван Бастен терма жамоанинг сўнгги ўйинида Френки де Йонгнинг ўйинидан норози.

Якшанба куни Нидерландия терма жамоаси ЖЧ-2026 саралашида Финляндияни 4:0 ҳисобида мағлуб этди.

"Менимча, Френки де Йонг олдинга кам пас берди. У почтачи бўлиб ўйнарди. У ўйинни тезлаштириши кутилган эди. Аслида, у мени бироз хафа қилди, чунки унинг вазифаси тўпни ҳимоядан ҳужумга тез ўтказишдан иборат бўлиши керак эди. У ушбу ўйинда умуман бундай қилмагани мени ҳайратда қолдирди.

Френкига ҳақиқатан ҳам шу нарса етишмасди. Аслида, бу ачинарли, чунки у олдинга пас бериш учун майдонни яхши кўрадиган яхши футболчи", - деди Нидерландия терма жамоасининг собиқ ҳужумчиси.