"Барселона"нинг нидерландиялик ярим ҳимоячиси Френки де Йонг клуб билан қачон янги меҳнат шартномасини имзолаши маълум бўлди.
Инсайдер Фабрицио Романонинг таъкидлашича, "Барселона" де Йонг билан янги шартноманинг барча шартлари келишиб олинганини расман тасдиқлаган. Барча ҳужжатларни имзолаш эртага бўлиб ўтади. Шартнома 2029 йил июнь ойигача мўлжалланган.
Жорий мавсумда 28 ёшли де Йонг барча мусобақаларда 8та ўйинда майдонга тушиб, 1та ассист муаллифига айланди.
"Барселона"нинг навбатдаги ўйини 18 октябрь куни бўлиб ўтади. Шу куни Ҳанс-Дитер Флик шогирдлари "Жирона"ни қабул қилади.













