"Фенербахче" ҳужум чизиғини кучайтириш учун Карим Бенземани ўз сафига қўшиб олмоқчи.

Fotomaç хабарига кўра, Доменико Тедеско клуб президенти Садеттин Саранга жамоага ҳужумларни якунлайдиган ҳужумчи кераклигини айтган. Бундай заруратга Юссеф Эн-Несирининг ҳозирги ҳолати, Жон Дюраннинг жароҳати ва Женк Тосуннинг таркибдан четлатилгани сабаб бўлмоқда.

Муқобил вариантлар муҳокама қилинганидан сўнг, Карим Бензема шартнома имзолаш учун асосий даъвогар бўлди. Ҳужумчининг "Ал-Иттиҳод" билан шартномаси мавсум охирида тугайди, шунинг учун турклар вазиятга ойдинлик киритиш учун унинг агентлари билан боғланишни режалаштирмоқда. Агар ижобий жавоб олинса, трансфер устидаги ишлар давом эттирилади. Агар шундай бўлса, клуб Дюран билан хайрлашиши мумкин.

Акс ҳолда, рўйхатдаги қолган исмлар билан музокаралар олиб борилади.

Аввалроқ 37 ёшли француз фаолиятининг сўнгги босқичини Европада ўтказмоқчи экани хабар қилинганди.