Бразилия терма жамоаси ўртоқлик ўйинида Япония терма жамоасига имкониятни бой бериб қўйди - 2:3. Ўйин Токиодаги "Адзиномото" стадионида бўлиб ўтди.

Учрашувнинг 26-дақиқасида бразилиялик Пауло Энрике ҳисобни очди. 32-дақиқада Габриэль Мартинелли Бразилия терма жамоасининг иккинчи голига муаллифлик қилди. Иккинчи бўлимда Япония терма жамоаси Такуми Минамино, Кейто Накамура ва Аяси Уэдаларнинг саъй-ҳаракатлари билан кетма-кет учта гол урди.

10 октябрь куни бразилияликлар Жанубий Корея терма жамоасини 5:0 ҳисобида мағлубиятга учратганди. Японияликлар шу куни Парагвай билан дуранг ўйнаганди (2:2).