Сентябрь ойи охирида "Вест Хэм" бош мураббийлигидан кетган Грэм Поттер Швеция терма жамоасини қабул қилиб олишга тайёрлигини маълум қилди. Айнан Швецияда Поттер "Эстерсунд"га мураббийлик қилиб ном қозонган.
50 ёшли Поттер, шунингдек, таклиф қилинаётган маош бўйича янги иш жойини танламаслигини таъкидлади.
"Менинг омадим бор экан, шундай карьера қурдимки, молиявий аҳволим жуда яхши. Шу даражага етдики, энди ишга киришга рози бўлиш ёки бўлмаслигим ҳақида қарор қабул қилишда молиявий ҳисоб-китоб қилишим шарт эмас," - деди Поттер.
Сешанба куни Швеция терма жамоаси бош мураббийи лавозимини Йон Даль Томассон тарк этди.
