Италия терма жамоаси бош мураббийи Женнаро Гаттузо Исроилга (3:0) қарши ўйиндан сўнг ўз таассуротлари билан ўртоқлашди.
"Барчасини яхши уддаладик. Ўтган ойда худди шу рақиб бизни асабийлаштирганини ҳамма яхши эслайди [ 5:4 ғалаба]. Ўйлайманки, бугун ўйинни яхшироқ назорат қилдик, гарчи бир-икки марта Доннарумма жамоани қутқаришига тўғри келган бўлса-да. Кайфиятдан мамнунман. Биз керакли тарзда ҳаракат қилдик," - деди Гаттузо RAI Спорт билан суҳбатда.
Италия терма жамоаси саралаш гуруҳи турнир жадвалида 15 очко билан иккинчи ўринни эгаллаб турибди ва маррага икки тур қолганида Норвегиядан уч очко ортда қолмоқда.
