"Ювентус" ҳужумчи Кенан Йилдиз билан шартномани узайтириш устида ишлашда давом этмоқда.
"Кекса синьора" раҳбарияти Англия Премьер-лигаси грандлари анчадан бери кузатиб келаётган 20 ёшли футболчи билан доимий музокаралар олиб бормоқда. Таниқли инсайдер Фабритсио Романонинг ёзишича, Турин клубининг истиқболли туркиялик билан музокаралари босқичма-босқич ривожланиб бормоқда. Айни пайтда футболчи бор эътиборини "Ювентус"га қаратган ва ҳеч қаерга кетишни режалаштирмаяпти.
Кенан Йилдизга "Челси", "Манчестер Юнайтед", "Ливерпуль", "Барселона" ва Европанинг бошқа топ-клублари даъвогарлик қилмоқда. "Бьянконерилар" юлдузининг Transfermarkt сайтидаги нархи - 75 млн евро.
